CENCHRI

CENCHRI
Graece Κέγχροι, et in vestibus et in vasis, positi occurrunt. In vestibus rotundi sunt clavi et macularum formae orbiculares, quibus vestes intertexi atque distingui mos. Athenaeus, l. 12. Ι῎δοι δ᾿ ἄν τις, φηςὶ καὶ τὰς καλουμένας ἀκταίας, ὅπερ ἐςτὶ καὶ πολυτελέςτατον εν τοῖς Περςικοῖς περιβλήμαςι, ἔςτι δὲ τοῦτο ςπαθητὸν ἰχύος καὶ κουφότητος χάριν, καταπέπαςται δὲ χρυςίοις κέγχροις, οἱ δὲ κέγχροι νήματι πορφυρῷ πάντες εἰς την` εἴς μοῖραν ἅμματ᾿ ἔχουςιν ἀνὰ μέςον. Aliter ἧλοι, clavi, et ἐμβλήματα; item signa. In vasis similiter κέγχρους appellârunt, emblemata et signa, quibus asperantur, quod milio, hoc enim Graeca vox proprie notat, simillima essent. Rotundas enim quasdam asperitates, in poculis exstantes et globulis similes eô nomine designârunt: quales fiebant et in clypeorum extremitatibus et in poculorum labris. Unde κεγχρωτὰ vasa, caelata et signis aspera: et κεγχρώματα, τραχύματα, κυκλώματα, asperitates, rotunditates, apud Hesychium, Salmasius ad Vopisc. in Carino, c. 20. Indidem Cenchris, et Cenchrine, Graecis κεγχρὶς et κεγχρίνης, item κερχνὶς aut κέρχνης, nomen serpentis, cuius tergum variô nitore fulget, apud Lucanum, l. 9. v. 712.
Et semper rectô lapsurus limite cenchris:
Pluribus ille notis variatam pingitur alvum,
Quam parvis tinctus maculis Thebanus ophites.
Et Nicandrum in Theriacis,
Δήεις Κεγχρίνεω δολιχὸν τέρας, ὅντε λέοντα
Αἴολον αὐδάξαντο περίςτικτον φολίδεςςιν.
Quod nomen ipsum indicat. Nam sic dictus est, quod instar milii granorum variatum habeat tergum: hoc enim κέγχρον est.
Unde κεγχρῶσαι verbum, τὸ ποικίλαι, et τὰ κεγχρὠματα, τὰ ποικίλματα. Quomodo, ut vidimus, inter alias dicebantur in clypeorum ambitu ornamenta, granorum instar aspersa. Euripides in Phoenissis,
Α᾿λλ᾿ εὖ προσῆγον ἀςπίδων κεγχρώμαςιν
Ο᾿φθαλμὸν. ---- ----
Ubi Scholiastes, κέγχρον, inquit, καλοῦςι τὸν περὶ την` ἴτυν τῆς ἀςπίδος κόσμον. μικροὶ δὲ ἧλοί εἰςιν, οἳ ἐκ χρυςοῦ γίνονται, parva clavorum capita, ex auro exstantia, etc. Atque hinc Hebr. tseboa, i. e. pictus, idem serpens dictus est. Unde vallis Tseboim, 1. Sam. c. 13. v. 18. si Hebraeis credimus, ubi frequens admodum hoc serpentis genus. Uti vero serpens a squamarum, sic avis quaedam a plumarum, varietate ita dicta est. Aristophanes,
Πορφυρὶς, κεγχρὶς, κολυμβὶς.
De qua Plinius, l. 29. c. ult. Fimum Cenchridis: accipitrum generis eam Graeci faciunt. Hinc cum avibus, ungues aduncos habentibus, eâdem Comoediâ memoratur, ut et Plinio iterum, l. 10. c. 52. Eam proin esse volunt, quam tinnunculi nomine alibi idem appellat, colum bis inimicam avem. Nam colore cinereô est punctis nigris, veluti milii granis sparsa. Sed et κεγχρῖτις gemma, auctore eôdem, l. 37. c. 11. milii granis veluti sparsis, etc. Porro, uti κεγχρώματα seu κερχνώματα, labra poculorum huiusmodi granis exstantibus in orbem insignita; aereas item laminas vel ferreas ad munimentum simul et ornamentum ab ima et summa parte Scutis appositas, clavisque confixas et asperatas: sic nummorum quoque in circuitu orbem, ex parvis granis factum et ormamentigratiâ additum, similiter vocare consuevêre. Salmas. ad Solin. p. 340.

Hofmann J. Lexicon universale. 1698.

Look at other dictionaries:

  • Cenchrus (insect) — This article is about the insect anatomical structure. For the plant genus Cenchrus see SandburThe cenchrus (plural cenchri) is a specialized anatomical structure in the insect group known as sawflies. The cenchri are small blister like lobes on… …   Wikipedia

  • Sawfly — Symphyta redirects here. For the moth genus, see Symphyta (genus).Taxobox name = Sawflies fossil range=Triassic Recent image width = 250px regnum = Animalia phylum = Arthropoda classis = Insecta ordo = Hymenoptera subordo = Symphyta subdivision… …   Wikipedia

  • Cephoidea — Taxobox image size = 230px image caption= Hartigia linearis Cephidae name = Stem Sawflies regnum = Animalia phylum = Arthropoda classis = Insecta ordo = Hymenoptera subordo = Symphyta superfamilia = Cephoidea familia = Cephidae subdivision ranks …   Wikipedia

  • Lothar Zirngiebl — (* 5. Oktober 1902 in Freising; † 8. Juli 1973 in Hildesheim) war ein deutscher Entomologe und Schulleiter. Inhaltsverzeichnis 1 Leben 2 Bedeutung 3 Werke …   Deutsch Wikipedia

  • Zirngiebl — Lothar Zirngiebl (* 5. Oktober 1902 in Freising; † 8. Juli 1973 in Hildesheim) war ein deutscher Entomologe und Schulleiter. Inhaltsverzeichnis 1 Leben 2 Bedeutung 3 Werke 4 …   Deutsch Wikipedia

  • Emathides — EMATHĬDES, um, Gr. Ημαθίδες, ων, waren des Pierus, Königs in Emathien neun Töchter, welche sich auf dem Helikon mit den neun Musen in einen Wettstreit in der Musik einließen. Sie waren dabey so unglücklich, daß alles finster und betrübt wurde, da …   Gründliches mythologisches Lexikon

  • cenchrus — n.; pl. cenchri [Gr. kenchros, millet] (ARTHROPODA: Insecta) In Hymenoptera, specialized lobes on the metanotum of certain sawflies that contact with rough areas on the underside of the fore wing to hold them in place; sometimes functioning as a… …   Dictionary of invertebrate zoology

  • Cephidae — Hartigia linearis Scientific classification …   Wikipedia

  • CLYPEUS — Casaubono ad Trebellium, in Divo Claudio, c. 3. duo significat, scutum sive ἀπίδα et imaginem: Prima, inquit, inventio fuit ad necessitatem, ut corpus defenderet; dein accessit decoris et elegantiae studium, coeperuntque pingiscuta: inde nominis… …   Hofmann J. Lexicon universale

  • SCYTALE — I. SCYTALE Graece Σκυτάλη, genus Epistolae secretae,d Laconibus olim usitatae, de qua sic A. Gellius l. 17. c. 9. Lacedaemonii veteres, quum dissimulare et occultare liter as publice ad Imper atores suos missas volebant, ne si ab hostibus… …   Hofmann J. Lexicon universale

Share the article and excerpts

Direct link
Do a right-click on the link above
and select “Copy Link”

We are using cookies for the best presentation of our site. Continuing to use this site, you agree with this.